Antipolo, Rizal – Tinatayang Php680,000 halaga ng shabu ang nakumpiska sa tatlong suspek kabilang ang isang Japanese National sa operasyon ng Rizal PNP nito lamang Miyerkules, Hulyo 20, 2022.
Kinilala ni Police Colonel Dominic Baccay, Provincial Director ng Rizal Police Provincial Office, ang tatlong naaresto na sina Abdul Barazar, 22, walang trabaho, residente ng Alley 69 Brgy. San Andres, Cainta, Rizal; Ronald Dela Cruz, 44, walang trabaho, residente ng Peralta Compound, Brgy. San Miguel, Pasig City at Yoshihara Narabe y Dallego, 29, walang trabaho, Japanese National at residente ng 27 Purok 5 J.P. Rizal St, Brgy. Sampaloc, Tanay, Rizal.
Ayon kay PCol Baccay, bandang 4:15 ng madaling araw naaresto ang tatlong suspek sa Sitio Pandayan, Brgy. Inarawan, Antipolo City sa isinagawang buy-bust operation ng Provincial Intelligence Unit at Philippine Drug Enforcement Unit ng Rizal.
Nakumpiska sa tatlong suspek ang anim na pirasong heat-sealed transparent plastic sachets ng hinihinalang shabu na may tinatayang timbang na 110 gramo na nagkakahalaga ng Php680,000, isang knot tied transparent plastik bag, isang belt bag, isang Php1000 bill na ginamit bilang buy-bust money, labing isang pirasong Php1,000 bill na ginamit bilang boodle money, isang pirasong Php500 bill at isang itim na Yamaha MC Sniper na hindi rehistrado.
Nahaharap ang tatlong suspek sa paglabag sa section 5 at 11 ng Republic Act 9165 o Comprehensive Dangerous Drugs Act of 2002.
Samantala, pinuri naman ni PCol Baccay ang kanyang mga tauhan sa walang humpay na operasyon laban sa ilegal na droga para tuluyang sugpuin ang paglaganap nito sa probinsya ng Rizal.
###
Panulat ni Police Executive Master Sergeant Joe Peter Cabugon
