Nasabat ang tinatayang Php676,000 halaga ng smuggled cigarettes sa ikinasang operasyon ng mga awtoridad sa Barangay Bagbagun, Lantawan, Basilan nito lamang ika-9 ng Setyembre 2024.
Kinilala ni Police Captain Novo L Caroz, Team Leader ng PNP Maritime Special Boat Crew, ang mga suspek na sina alyas “Din”, 23 gulang, at alyas “Erman”, 30 gulang, na pawang residente ng Talon-Talon, Zamboanga City.
Bandang 4:15 ng umaga nang ikasa ang seaborne patrol ng PNP Maritime Special Boat Crew katuwang ang Lantawan Municipal Police Station, Provincial Intelligence Unit – BPPO nang mamataan ang isang motorized pump boat MPB Black Army at kargado ng 40 na kahon ng Canon Menthol at tatlong kahon ng Fort na smuggled cigarettes at tinatayang nagkakahalaga ng Php676,000.
Mahaharap sa kasong paglabag sa Republic Act 10863 o “Customs and Tariff Administration” ang mga suspek.
Ang matagumpay na pagkakakumpiska ng mga kontrabando ay resulta ng mas pinaigting ng Basilan PNP sa operasyon laban sa kriminalidad, police visibility, at border control sa nasasakupang lugar.
Panulat ni Patrolwoman Ma. Señora J Agbuya
