Pasay City — Tinatayang Php625,800 halaga ng shabu ang nasabat sa isang lalaki na isa sa mga nasa listahan ng pulisya na High Value Individual (HVI) sa isinagawang buy-bust operation ng Pasay City Police Station nito lamang Huwebes, Enero 19, 2023.
Kinilala ni PBGen Kirby John Kraft, District Director ng Southern Police District, ang suspek na si alyas “Ronald/Nald”, 26 taong gulang.
Ayon kay PBGen Kraft, bandang 10:00 ng gabi nang maaresto si alyas “Ronald” sa kahabaan ng Chapel Road corner NAIA Road, Barangay 194, Zone 20, Pasay City ng mga operatiba ng Station Drug Enforcement Unit ng Pasay CPS kasama ang mga tauhan ng Pasay City Police Sub-Station 8.
Narekober ng operating team sa suspek ang isang medium heat-sealed transparent plastic sachet at isang knot-tied transparent plastic sachet na pawang mga hinihinalang shabu, 49 na Php1,000 na boodle money, isang genuine Php1,000 na ginamit bilang buy-bust money, isang navy blue na Lazada plastic, isang black Mio soul 125 na may MV File No. 0401-00000234458 at isang black Infinix cellular phone.
Ang mga nasabing nasamsam na pinaniniwalaang shabu ay tumitimbang ng humigit kumulang 96 gramo at may Standard Drug Price na Php652,800.
Mahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Ang Pambansang Pulisya ay patuloy na paiigtingin ang pangangampanya kontra ilegal na droga upang patuloy na makamit ang isang ligtas at mapayapang pamayanan.
Source: SPD PIO
Panulat ni PSSg Remelin M Gargantos
