Tinatayang Php640,000 halaga ng marijuana ang binunot at sinunog ng mga awtoridad sa isinagawang marijuana eradication sa Sitio Lebeng, Badeo, Kibungan, Benguet nito lamang ika-10 ng Disyembre 2023.
Ayon kay Police Colonel Damian Olsim, Provincial Director ng Benguet Police Provincial Office, matagumpay ang operasyon sa pinagsamang puwersa ng Benguet 2nd Provincial Mobile Force Company, Kibungan Municipal Police Station, Provincial Drug Enforcement Unit/PIU Benguet PPO, Regional Intelligence Division PRO Cordillera, at PDEA-Cordillera.
Bagamat walang nahuling marijuana cultivator, kaagad namang binunot at sinunog ng mga operatiba ang tinatayang aabot sa 3,200 Fully Grown Marijuana Plants na nakatanim sa lupaing may kabuuang sukat na 400 sqm na may Standard Drug Price na Php640,000.
Ang matagumpay na operasyon ng Benguet PNP at PDEA ay isa lamang sa resulta ng walang tigil at mas pinaigting na kampanya kontra sa ilegal na droga.
