Nasamsam ng mga operatiba ng Valencia City Police Station ang tinatayang 92.1 gramo ng shabu na may halagang Php626,280 sa isinagawang buy-bust operation sa Purok 3, Barangay San Carlos, Valencia City nito lamang ika-7 ng Pebrero 2025.
Ang nasabing operasyon ay pinangunahan ng Valencia City Police Station sa pamumuno ni Police Lieutenant Colonel Bryan M Panganiban, Officer-In-Charge katuwang ang Bukidnon Provincial Intelligence Unit sa pangunguna ni Police Lieutenant Colonel Mark Hope L Orbuda na nagresulta sa pagkakaaresto ng tatlong suspek na si alyas “Roland”, 35 anyos at residente ng Purok 7, Barangay Miglamen, Malaybalay City, Bukidnon; si alyas “Pat”, 31 anyos, lalake at residente ng Paglaum Phase 1, Barangay Casisang, Malaybalay City, Bukidnon; alyas “Johnny”, 18 anyos, lalaki at residente ng Poblacion, Valencia City, Bukidnon; at isang menor-de-edad na residente ng Purok 2, Barangay San Carlos, Valencia City, Bukidnon na nakatakas.
Kabilang sa mga nakumpiskang ebidensya ang mga plastic heat-sealed na lalagyan na may laman na hinihinalang shabu, na may kabuuang timbang na nasa mahigit 92.1 na gramo na nagkakahalaga ng mahigit kumulang Php626,280 at Php500 bill na ginamit bilang buy-bust money at iba pang non-drug evidence.
Ang mga suspek ay nahaharap sa kasong paglabag sa Republic Act 9165 o “Comprehensive Dangerous Drugs Act of 2002”.
Pinuri naman ni Police Brigadier General Jaysen C De Guzman, Acting Regional Director ng Police Regional Office 10, ang mga operating personnel para sa matagumpay na pagkakakumpiska ng mga iligal na droga. “This operation reflects the dedication and determination of our personnel to combat illegal drugs in the region. PRO10 will continue to intensify efforts to intercept contraband and uphold the law across our jurisdiction. I urge the public to join us in this effort by staying vigilant and report any illegal activities to the authorities.”
