Tinatayang Php621,000 halaga ng shabu ang nasabat sa dalawang suspek sa buy-bust operation ng San Pablo PNP sa Barangay San Joaquin, San Pablo City, Laguna nito lamang ika-21 ng Hunyo 2024.
Kinilala ni Police Colonel Gauvin Mel Y Unos, Acting Provincial Director ng Laguna Police Provincial Office, ang mga suspek na sina alyas “Jerico” at “Ronald”, parehong mga residente ng San Pablo City, Laguna.
Ayon kay Police Major Robin L Martin, hepe ng Provincial Special Operation Unit (PSOU) ng Laguna PPO, nagsagawa ang kanilang mga operatiba ng drug buy-bust operation katuwang ang mga tauhan ng San Pablo Component City Police Station bandang 2:45 ng hapon sa nasabing barangay.
Nakumpiska mula sa mga suspek ang isang pirasong heat-sealed transparent plastic sachet at dalawang pirasong knot-tied plastic bag na naglalaman ng hinihinalang shabu na tumitimbang ng higit kumulang 90 gramo at nagkakahalaga ng Php621,000, isang yunit ng kulay berdeng Honda Civic 1999, isang Android Cellphone, isang pirasong pencil case, dalawang Php1000 bill bilang boodle money.
Nahaharap ang mga suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang kapulisan ng Laguna katuwang ang iba’t ibang ahensya ng pamahalaan ay hindi titigil sa kampanya laban sa salot ng ilegal na droga upang mapanatili ang kapayapaan at kaayusan sa pagkamit ng isang Bagong Pilipinas na ligtas mula sa iba’t ibang uri ng kriminalidad dulot ng paggamit ng ipinagbabawal na gamot.
Source: Laguna Police Provincial Office
Panulat ni Patrolwoman Angelica Rica S Teng
