Taguig City — Nasakote ng mga tauhan ng Taguig City Police Station Drug Enforcement Unit ang tatlong hinihinalang tulak ng droga sa isang buy-bust operations sa Barangay Bagumbayan, Taguig City bandang 6:40 ng gabi nito lamang Huwebes, Agosto 3, 2023.
Kinilala ni PBGen Roderick Mariano, District Director, SPD, ang mga suspek na sina alyas “Johner,” 24, construction worker; at Jeric, 28 at Amor Ocusan, 46, recruitment agent.
Nasamsam ng mga awtoridad ang 17 heat-sealed transparent plastic sachet na naglalaman ng hinihinalang shabu na humigit kumulang 91 gramo ang bigat at may Standard Drug Price na Php618,800, isang genuine Php1,000 na may kasamang walong Php1,000 boodle money na ginamit bilang buy-bust money at isang itim na coin purse
Mahaharap ang mga suspek sa mga reklamo dahil sa umano’y pagkakasangkot nila sa paglabag sa Sections 5, 11, at 26 ng R.A 9165, na kilala rin bilang Comprehensive Dangerous Drugs Act of 2002.
Patuloy na paiigtingin ng SPD ang kampanya laban sa ilegal na droga lalo sa mga drug peddlers na dahilan sa dumaraming kaso nito sa Metro Manila.
Source: SPD PIO
Panulat ni PSSg Remelin M Gargantos
