Davao City – Arestado ang isang babae sa isinagawang buy-bust operation ng Maa PNP sa Purok 17, Datu Loho St. Brgy. Ma-a, Davao City nito lamang Enero 29, 2024.
Kinilala ni Police Major Ma. Teresita Gaspan, Station Commander ng Ma-a Police Station, ang suspek na si alyas “Madam”, residente ng Purok 1, Mabini St. Barangay 37-D Boulevard, Davao City at Top 4 City Level High Value Individual.
Naaresto ang suspek sa pagtutulungan ng pinagsanib na pwersa ng Special Drug Enforcement Team ng Maa Police Station at Philippine Drug Enforcement Agency.
Narekober mula sa suspek ang tatlong pakete ng hinihinalang shabu na may bigat na humigit kumulang na 90.01 gramo na may Standard Drug Price na Php612,068, Php15,000 bilang marked money, isang itim na Techno Spark android cellular phone, isang pirasong Php500 personal money at itim na parcel cellophane.
Mahaharap sa kasong paglabag sa Republic Act 9165 o Comprehensive Dangerous Drugs Act of 2002.
Samantala, ang laban kontra ilegal na droga ay patuloy na pinapaigting ng Police Regional Office 11 sa pamumuno ni Regional Director Police Brigadier General Alden Delvo upang maging drug-free ang Rehiyon Onse.
Panulat ni Patrolwoman Elhynn Joy Pagsugiron
