Sampaloc, Manila — Umabot sa Php612,000 halaga ng shabu ang nasabat sa tatlong suspek ng Sampaloc Police Station, Manila Police District nito lamang Sabado, Agosto 13, 2022.
Kinilala ni PBGen Jonnel Estomo, Acting Regional Director ng National Capital Region Police Office, ang mga suspek na sina Reuben Gomez y Avila alyas “Dodong”, Heart Kelly Floro y Adriana alyas “Heart”, at Nelson Bunag y Estabayan alyas “Empoy”.
Ayon kay PBGen Estomo, bandang 1:30 ng madaling araw naaresto ang mga suspek sa kahabaan ng Prudencio St., malapit sa cor. Simoun St., Sampaloc, Manila ng Brgy. 484, Zone 48 ng mga operatiba ng Station Drug Enforcement Unit ng Sampaloc PS.
Nasamsam sa mga suspek ang tatlong cellular phone, isang Php500, isang puting kahon ng cellphone at siyam na heat-sealed transparent plastic sachet na naglalaman ng hinihinalang shabu na tinatayang may bigat na 90 gramo at nagkakahalaga ng Php612,000.
Mahaharap ang mga suspek sa kasong paglabag sa RA 9165 o Comprehensive Dangerous Drugs Act of 2002.
Pinuri ni PBGen Estomo ang mga operating unit at ipinahayag ang kanyang mga inaasahan para sa mga darating na araw.
“Magpapatuloy pa ang pinaigting na mga operasyon laban sa ilegal na droga at iba pang krimen sa Metro Manila. Pagtutulungan ng bawat pulis na manatiling tahimik at ligtas ang ating rehiyon sa anumang oras at pagkakataon,” dagdag pa niya.
Source: PIO NCRPO
###
Panulat ni PSSg Remelin M Gargantos
