Iloilo City – Nakumpiska ang tinatayang Php612,000 halaga ng shabu sa isang High Value Individual sa ikinasang drug buy-bust operation ng Iloilo City PNP sa Brgy. Sinikway, Lapuz, Iloilo City nitong ika-12 ng Setyembre 2023.
Kinilala ni Police Lieutenant Colonel Antonio Benitez Jr, Hepe ng CDEU, ang drug suspek na si Franz Edward Arias, aka ‘’Toto/France ” (HVI), 27 anyos, residente ng nabanggit na lugar.
Ayon kay PLtCol Benitez Jr, bandang alas 6:00 ng hapon ng isagawa ang operasyon ng pinagsanib na pwersa ng Iloilo City Police Office – City Drug Enforcement Unit at Iloilo City Police Station 2.
Ayon pa kay PLtCol Benitez Jr, agad na inaresto ang suspek matapos itong mabilhan ng dalawang pakete ng suspected shabu sa halagang Php10,000.
Nakuha pa sa suspek ng 32 pakete ng pinaghihinalaang shabu, isang brown pouch, 1 Realme Android phone, at isang lighter.
Nahaharap ngayon ang suspek sa kasong paglabag sa RA 9165 o Comprehensive Dangerous Drugs Act of 2002.
Patuloy ang pagpapaigting ng buong hanay ng kapulisan sa Western Visayas sa kampanya kontra ilegal na droga para sa kaligtasan at kaayusan ng kanilang nasasakupan.
