Parañaque City – Nasabat ang tinatayang Php61,200,000 halaga ng shabu sa isinagawang buy-bust operation ng PNP Drug Enforcement Group sa Enrique M. Factor Road, Brgy. Don Galo, Paranaque City, nito lamang Martes, Hunyo 7, 2022.
Kinilala ni PBGen Randy Peralta, Director ng PNP DEG ang mga suspek na sina Joe Marie Ordiales alyas “Roger” na namatay matapos manlaban sa nasabing operasyon at ang nakatakas na suspek na si Arturo R Santos Jr alyas “Pugo”.
Ayon kay PBGen Peralta, nakuha mula sa mga suspek ang mahigit kumulang siyam na kilo ng hinihinalang shabu na may tinatayang Standard Drug Price na Php61,200,000 kasama ang isang itim na travelling bag, isang cal .45, isang yunit ng kulay beige na Toyota Camry at buy-bust money.
Naging matagumpay ang nasabing buy-bust dahil sa pinagsamang operatiba ng Operating Unit- SOU NCR PNP DEG kasama ang IFLD-PNP DEG, Philippine Drug Enforcement Agency Regional Office, National Capital Region (PDEA RO NCR), Parañaque City Police Station-Station Drug Enforcement Unit, (CPS-SDEU), Southern Police District (SPD) District Drug Enforcement Unit (DDEU), Regional Special Operations Group/Regional Drug Enforcement Unit, National Capital Region Police Office (RSOG/RDEU, NCRPO), Criminal Investigation and Detection Group (CIDG), Regional Field Unit (RFU NCR) at Regional Intelligence Unit (RIU NCR).
Patuloy naman pinaghahanap ng mga otoridad ang nakatakas na suspek.
Ang PNP DEG ay patuloy na pinapaigting ang iba’t ibang operasyon upang masakote ang mga sangkot sa ilegal na droga para sa mas mapayapang kumonidad.
###
Panulat ni PCpl Mary Metche A Moraera
