Camarines Sur – Tinatayang Php608,000 halaga ng ilegal na droga ang nasabat sa isang lalaki sa ikinasang buy-bust operation ng mga operatiba ng Camarines Sur PNP sa Zone Itaas, Barangay Agdangan, Baao, Camarines Sur nito lamang Hulyo 21, 2023.
Kinilala ni Police Major Dennis Quindara, Hepe ng Baao MPS, ang suspek sa alyas na “Jomar”, 32, binata at residente ng Lower Bicutan, Taguig City.
Ayon kay PMaj Quindara, bandang 10:00 ng gabi ng isinagawa ang operasyon ng pinagsanib na mga operatiba ng Baao Municipal Police Station at Camarines Sur 2nd PMFC sa pakikipag-ugnayan sa PDEA Camarines Sur Provincial Office.
Nakumpiska mula sa suspek ang humigit kumulang 100 gramo ng shabu na may street value na Php680,000.
Nahaharap sa kasong paglabag sa RA 9165 o “Comprehensive Dangerous Drugs Act of 2002 ang suspek.
Ang PNP Bicol katuwang ang pamayanan ay patuloy na magkakaisa upang masugpo ang ganitong klase ng krimen para malinis ang komunidad sa pagkakaroon ng presensya ng ilegal na droga na sumisira sa buhay ng mamamayang Pilipino.
