Lanao del Sur – Tinatayang Php600,000 halaga ng halamang marijuana ang binunot at sinunog ng PNP sa Brgy. Bago A Ingud, Tugaya, Lanao Del Sur nitong Hulyo 5, 2022.
Ayon kay Police Colonel Jibin Bongcayao, Acting Provincial Director ng Lanao Del Sur Police Provincial Office, aabot sa 3,000 fully grown na halaman ng marijuana na itinanim sa 6,000 square meters na lupain na may tinatayang halaga na Php600,000 ang binunot at sinunog sa naturang lugar.
Ang operasyon ay isinagawa ng pinagsamang operatiba ng PNP-Drug Enforcement Group, Special Operations Unit-BAR; Regional Intelligence Division-Regional Drug Enforcement Unit; 1403rd Regional Mobile Force Company, RMFB 14; 1st Provincial Mobile Force Company, Lanao Del Sur PPO at Tugaya Municipal Police Station
“Ang tagumpay ng operasyon ng pagpapatupad ng batas ay resulta ng pagtutulungan ng mga puwersang panseguridad at ng komunidad,” ani PCol Bongcayao.
###
Panulat ni Patrolman Charlie Nasroden Corpuz
