Tinatayang Php600,000 halaga ng Fully Grown Marijuana Pants ang nadiskubre ng mga otoridad sa isinagawang marijuana eradication sa Barangay Tulgao East, Tinglayan, Kalinga noong ika-9 ng Agosto 2024.
Ayon kay Police Colonel Gilbert A Fati-ig, Provincial Director ng Kalinga Police Provincial Office, matagumpay ang operasyon dahil sa pagsisikap ng mga operatiba na pinangunahan Tinglayan Municipal Police Station kasama ang Provincial Drug Enforcement Unit/Provincial Intelligence Unit ng Kalinga PPO, 1503rd MC RMFB 15, 1st Kalinga Provincial Mobile Force Company, at Second Kalinga Provincial Mobile Force Company.
Nagresulta ang operasyon sa pagkakadiskubre ng isang plantasyon sa isang communal forest na may kabuuang lawak na 300 square meters na may humigit kumulang 3,000 Fully Grown Marijuana Plants na may Php600,000 Standard Drug Price.
Bagamat walang nahuling cultivator, binunot at sinunog ng mga operatiba ang nadiskubreng marijuana plants sa mismong lugar ng taniman.
Patunay lamang na patuloy ang pagsuporta ng PNP sa kasalukuyang administrasyon na labanan ang paglaganap ng ipagbabawal na gamot tungo sa mas mapayapang Bagong Pilipinas.
