Sa kulungan ang bagsak ng isang High Value Individual matapos maaresto at mahulihan ng Php6.9 milyong halaga ng hinihinalang shabu sa isinagawang buy-bust operation ng Lapu-Lapu City PNP sa Sitio Seabreeze, Barangay Pusok, Lapu-Lapu City, Cebu, noong ika-23 ng Oktubre 2024.
Kinilala ni Police Colonel Dyan V Agustin, Acting City Director ng Lapu-Lapu City Police Office, ang suspek na si alyas “Marie”, 39 anyos na residente ng Sitio San Roque, San Nicholas, Cebu City.
Bandang 12:08 ng madaling araw ng ikinasa ang naturang buy-bust operation na nagresulta sa pagkaaresto ng suspek at pagkasabat ng dalawang pakete at isang tea bag na may timbang na 1,025 gramo at Standard Drug Price na Php6,970,000, buy-bust money, itim na wallet, at back pack.
Ang suspek ay mahaharap sa kasong paglabag sa Republic Act 9165 o “Comprehensive Dangerous Drugs Act of 2002”.
Ang kapulisan ng Lapu-Lapu City ay patuloy sa pagpapaigting ng kanilang kampanya kontra ilegal na droga at anumang uri ng krimanalidad. Ito ay alinsunod sa isa sa pangunahing prayoridad ng pamahalaan na labanan ang anumang uri ng kriminalidad upang magkaroon ng kaayusan at kapayapaan tungo sa Bagong Pilipinas.
Source: LCPO SR
