Cebu City – Nasabat ang tinatayang Php6.9 milyong halaga ng shabu sa isang suspek sa buy-bust operation ng Cebu City PNP nito lamang Sabado, Abril 23, 2022.
Kinilala ni Police Colonel Ernesto Salvador Tagle, City Director ng Cebu City Police Office, ang suspek na si Vincent Ianiel Arnaiz Violanda alyas “Ikot”, 30, residente ng Sitio Continental, Brgy. Duljo Fatima, Cebu City.
Ayon kay PCol Tagle, ang suspek ay naaresto bandang 4:30 ng umaga sa Carlock Street, Brgy. Duljo Fatima, Cebu City ng mga operatiba ng Police Station 11, CCPO sa pangunguna ni Police Major Dindo Juanito Alaras.
Ayon pa kay PCol Tagle, si Violanda ay kabilang sa Regional Level Drug Watch List at High Value Individual ng Rehiyon 7.
Nakuha sa suspek ang 1,015 gramo ng shabu na may tinatayang Standard Drug Price na Php6,902,000, isang back pack at buy-bust money.
Nahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Ang matagumpay na operation ay bunga ng maayos at pinaigting na pagsasagawa ng Simultaneous Anti-Criminality Law Enforcement Operation ng PNP katuwang ang iba pang ahensya ng pamahalaan sa nasabing rehiyon.
###
Panulat ni Patrolman Aivan Guisadio
