Surigao City – Tinatayang Php6.9 milyong halaga ng shabu ang nakumpiska sa apat na suspek sa isinagawang buy-bust operation sa Purok 1, Brgy. Mabua, Surigao City, Surigao del Norte nito lamang Agosto 31, 2022.
Kinilala ni Police Brigadier General Romeo Caramat Jr, Regional Director ng Police Regional Office 13, ang mga suspek na sina Jayson Bada Tumbaga, Emma Grace Junior Abella, Rupert Joan Kapunan Tumbaga at Roche Iguana Cutamora.
Ayon kay PBGen Caramat Jr, bandang 10:00 ng umaga naaresto ang mga suspek sa pinagsanib na pwersa ng Philippine Drug Enforcement Agency (PDEA) Caraga, PNP Drug Enforcement Group at Philippine Army.
Narekober sa suspek ang 28 pirasong plastic sachets ng pinaniniwalaang shabu na tumitimbang ng 1 kilo na nagkakahalaga ng Php6.9milyon, 2 pirasong plastic sachet ng marijuana na tumitimbang ng 5 gramo, isang unit ng digital scale, isang unit ng 9mm pistol na may magazine, 10 live ammunitions, 1 unit ng Real Me Android phone, isang unit Huawei Android phone, isang unit ng Samsung keypad phone, perang nagkakahalaga ng Php22,900, isang unit Kawasaki motorcycle Z 900 na may Plate No. 834 LYB at 29 pirasong Php1,000 bill na ginamit bilang boodle money.
Mahaharap ang mga suspek sa kasong paglabag sa Section 5, 11, at 12, ng Article II ng RA
9165.
Ang PNP ay patuloy na paiigtingin ang kampanya laban sa ilegal na droga at iba pang krimen upang mapanatiling ligtas, tahimik at maayos ang komunidad.
