Nakumpiska ng Cebu City PNP ang Php6.9 milyon halaga ng hinihinalang shabu mula sa dalawang High Value Individual sa isinagawang buy-bust operation sa Ludo Cemetery, Barangay Carreta, Cebu City, noong ika-9 ng Hunyo 2024.
Kinilala ni Police Major Jonathan Beethoven N Taneo, hepe ng City Drug Enforcement Unit, Cebu City Police Office, ang dalawang High Value Individual na mga suspek na sina alyas “Janjan”, 40 anyos at residente ng Sitio Acacia, Barangay Vito, Sagay City, Negros Occidental at alyas “Cathy”, 33 anyos, at residente ng Sitio Quijano Compound, Barangay Calamba, Cebu City.
Bandang 1:40 ng madaling araw ng ikinasa ng pulisya ang operasyon na nagresulta sa pagkaaresto ng mga suspek at pagkasabat ng 16 plastic packs ng hinihinalang shabu na may timbang na 1,015 gramo at may Standard Drug Price na Php6,902,000, black back pack at buy-bust money.
Mahaharap ang mga suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang kapulisan ng Cebu City ay patuloy sa pagpapaigting ng kampanya kontra ilegal na droga. Ito ay alinsunod sa isa sa pangunahing prayoridad ng pamahalaan na labanan ang mga sindikato ng droga sa pamamagitan ng pagpigil sa kanilang mga ilegal na aktibidad at pagbuwag sa kanilang mga operasyon.
Source: CCPO SR
Panulat ni Pat Grace P Coligado
