Kalinga – Tinatayang Php6,900,000 halaga ng marijuana ang binunot at sinunog ng mga awtoridad sa Butbut Proper, Tinglayan, Kalinga nito lamang Agosto 18, 2023.
Ayon kay PCol Freddie Lazona, Officer-In-Charge, Kalinga Police Provincial Office, naging matagumpay ang isinagawang marijuana eradication sa pangunguna ng Lubuagan Municipal Police Station katuwang ang mga tauhan ng Kalinga Provincial Intelligence Unit, PNP Special Action Force at PDEA na nagresulta sa pagkakadiskubre ng dalawang plantasyon.
Nadiskubre sa unang plantasyon ang 21,750 piraso ng mga Fully Grown Marijuana Plants (FGMP) na may Standard Drug Price (SDP) na Php4,350,000 at 12,750 piraso ng FGMP na may SDP na Php2,550,000 sa ikalawang plantasyon.
Sa kabuuan, 34,500 pirasong ng mga FGMP ang binunot at sinunog na may SDP na Php6,900,000 sa nasabing operasyon.
Samantala, walang nahuling cultivator sa nasabing operasyon ngunit patuloy ang Kalinga PNP sa kampanya kontra ilegal na droga upang masugpo at mahuli ang mga nagtatanim ng marijuana para sa pagpapanatili ng kaayusan at kapayapaan sa buong probinsya.
