Nasabat ang tinatayang Php6,800,000 halaga ng shabu, habang arestado ang dalawang High Value indibidwal sa isinagawang drug buy-bust operation ng mga awtoridad sa Governor Gutierrez Avenue, Barangay RH9, Cotabato City noong ika-20 ng Agosto 2024.
Kinilala ang mga naarestong suspek na sina alyas “Ato” at alyas “Danny” na pawang mga residente ng Sultan Kudarat, Maguindanao del Norte.
Bandang 3:00 ng hapon, nang maaresto ang mga suspek dahil sa pinagsanib pwersa ng mga tauhan ng PDEA-BARMM at Cotabato City Police Office na nagresulta sa pagkakarekober ng isang kilo ng hinihinalang shabu na nagkakahalaga ng Php6,800,000 at buy-bust money.
Mahaharap sa kasong paglabag sa Section 5 ng Republic Act 9165 o Comprehensive Dangerous Drugs Act of 2002 ang mga naarestong suspek.
Sa tulong ng komunidad, koordinasyon ng bawat sangay ng gobyerno ay masasawata at mapipigilan ang anumang uri ng kriminalidad partikular ang ilegal na droga na ang hangarin ng PNP ay mapanatili ang maayos at tahimik na pamayanan.
Panulat ni Patrolwoman Veronica Laggui
