Baras, Rizal – Tinatayang Php6,800,000 halaga ng shabu ang natagpuan na nakasilid sa itim na eco bag sa isinagawang Oplan Sita ng Baras PNP nito lamang Miyerkules, Hunyo 8, 2022.
Ayon kay Police Brigadier General Antonio Yarra, Regional Director ng Police Regional Office 4A, bandang 2:30 ng hapon nagsagawa ng Oplan Sita sa Phase 5, South Ville 9, Brgy. Pinugay, Baras, Rizal ng pinagsanib pwersa ng Community Police Action Center, Public Safety and Security Force-Baras at Baras Municipal Police Station.
Ayon kay PBGen Yarra, isang lalaki na sakay ng kanyang motorsiklo na may dalang kahina-hinalang itim na eco bag ang tinapon sa damuhang bahagi at biglang kumaripas ng takbo papalayo sa otoridad.
Dagdag pa ni PBGen Yarra, narekober sa itinapon na itim na eco bag ang isang pack ng Chinese tea brand na naglalaman ng hinihinalang shabu na may tinatayang bigat na 1,000 gramo na tinatayang nagkakahalaga ng Php6,800,000 at isang kulay blue na Honda Click na may Plate No. 638 TZJ.
Patuloy pa ring iniimbestigahan ang pangyayari at inaalam ang pagkakilanlan ng suspek na tumakas. Ang tagumpay ng PNP ay dahil sa pinaigting na kampanya laban sa krimen at droga sa pakikipagtulungan ng mga Force Multipliers upang mapanatiling ligtas at maayos ang komunidad.
Source: Baras Municipal Police Station
###
Panulat ni Police Executive Master Sergeant Joe Peter Cabugon
