Quezon City – Nasakote ng PNP ang isang drug suspek sa isinagawang buy-bust operation na nagresulta sa pagkakakumpiska ng Php6,800,000 halaga ng shabu nitong Miyerkules, Hunyo 1, 2022.
Kinilala ni PBGen Randy Peralta, Director ng PNP Drug Enforcement Group, ang suspek na si Kanda Andongan Usman, 35, magsasaka, residente ng 011 Consultant Road, Dupax St. Barangay Matandang Balara, Quezon City.
Ayon kay PBGen Peralta, bandang 10:30 ng umaga nang maaresto si Usman sa tinitirhan nito ng pinagsamang tauhan ng Special Operations Unit 4B, Drug Enforcement Unit; at Batasan Police Station 6 ng Quezon City Police District.
Ayon kay PBGen Peralta, nakuha mula sa suspek ang humigit kumulang na isang kilo ng hinihinalang shabu na may tinatayang Standard Drug Price na Php6,800,000 kasama ang perang ginamit sa operasyon, tatlong cellphones, iba’t ibang drug paraphernalia at mga ID.
Ang naarestong suspek at mga nakuhang ebidensya ay nasa kustodiya na ng SOU 4B, PNP DEG Office para sa dokumentasyon at tamang disposisyon at nahaharap sa kasong paglabag sa RA 9165 o Comprehensive Dangerous Drugs Act of 2002.
Patuloy naman ang PNP sa pagsasagawa ng iba’t ibang operasyon upang mahuli at mapanagot ang mga nasasangkot sa ilegal na droga sa bansa para sa kaligtasan ng bawat mamamayan.
###
Panulat ni PCpl Mary Metche A Moraera
