Nakumpiska ng mga awtoridad ang tinatayang Php6,800,000 halaga ng shabu mula sa isang indibidwal sa isinagawang buy-bust operation sa Barangay Poblacion, Kabasalan, Zamboanga Sibugay nito lamang ika-22 ng Hunyo 2024.
Kinilala ni Police Captain Romualdo L Puig III, Officer-In-Charge ng Kabasalan Municipal Police Station, ang naarestong suspek na sina alyas “Haytam”, 42 anyos, may-asawa, residente ng Bangkaw, Naga, Zamboanga Sibugay.
Nakumpiska sa suspek ang isang vacuum sealed plastic pack na naglalaman ng pinaghihinalaang shabu na may timbang na humigit kumulang isang kilo na nagkakahalaga ng tinatayang Php6,800,000, isang keypad na cellphone, sling bag, purple eco bag, at iba pang non-drug evidence.
Mahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Patunay lamang na ang Pambansang Pulisya ng Pilipinas katuwang ang ibang ahensya ng pamahalaan ay hindi nagpapabaya sa kanilang sinumpaang tungkulin lalo na sa kanilang kampanya kontra ilegal na droga upang mapanatiling ligtas ang kanilang nasasakupan.
Panulat ni Patrolwoman Joyce Franco
