Nasabat ang Php58 milyong halaga ng shabu sa dalawang indibidwal sa isinagawang buy-bust operation ng PDEA at PNP Bicol sa Matnog Port Compound, Barangay Caloocan, Matnog, Sorsogon nito lamang Setyembre 28, 2024.
Kinilala ang mga suspek na sina alyas “Das” at alyas “Din” na pawang tubong Shariff Aguak, Maguindanao.
Isinagawa ang operasyon ng pinagsanib na mga operatiba ng PDEA Region 5, 502nd Maneuver Company ng Regional Mobile Force Battalion 5 (RMFB5), Sorsogon Provincial Police Drug Enforcement Unit (PPDEU) at Matnog Municipal Police Station.
Nasabat mula sa mga suspek ang 18.55 kilo ng pinaniniwalaang shabu na may Standard Drug Price na Php58,000,000 at mga non-drug items.
Mahaharap ang mga suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Siniguro naman ng PNP Bicol katuwang ang PDEA, ang walang tigil na pagsawata at pagpapaigting ng kampanya laban sa mga gumagamit at nagbebenta ng ilegal na droga sa kanilang nasasakupan.
Source: PNP Kasurog Bicol
Panulat ni Pat Rodel Grecia
