Nasabat ang tinatayang Php573,000 halaga ng smuggled cigarettes sa isang COMELEC checkpoint operation sa San Pedro, Tungawan, Zamboanga Sibugay nito lamang Abril 1, 2025.
Kinilala ni Police Colonel Barnard Danie V Dasugo, Provincial Director ng Zamboanga Sibugay Police Provincial Office, ang mga nadakip na suspek na sina alyas alyas “Justin”, may-ari ng sasakyan at alyas “Nadzwin”, 32 anyos, drayber.
Nabatid na lulan ang dalawa sa isang Toyota Sedan na kulay abo-bughaw na may plakang KAT 1799 na may dalang 450 reams ng Champion (Menthol) at 50 reams ng Cannon (Menthol).
Ang nakumpiskang 500 reams ng smuggled na sigarilyo ay tinatayang nagkakahalaga ng Php573,000.
Naging matagumpay ang operasyon dahil sa pagsisikap ng mga tauhan ng Tungawan Municipal Police Station, Philippine Marine at Bureau of Customs.
Patuloy ang kampanya ng PNP laban sa smuggling at iba pang iligal na aktibidad upang mapanatili ang kaayusan sa rehiyon.
Panulat ni Pat Joyce Franco
