Nasabat sa operasyon ng mga awtoridad ang Php573,000 smuggled na sigarilyo nito lamang ika-22 ng Enero, 2025 sa Barangay Metokong, Dumalinao, Zamboanga del Sur.
Ayon kay Police Major Benzar M Mukarram, Station Chief ng Zamboanga del Sur Maritime Police Station, dakong 12:30 ng madaling araw habang nagpapatrolya ang mga awtoridad nang namataan ang isang motorized pump boat habang nagbababa ng mga kahon na naglalaman ng smuggled na sigarilyo.
Naging matagumpay ang operasyon dahil sa pagsisikap ng Zamboanga del Sur Maritime Police Station (ZDS MARPSTA), Zamboanga del Sur Police Intelligence Unit, at sa koordinasyon sa Bureau of Customs (BOC) Pagadian City.
Narekober ng mga awtoridad ang isang unmarked na motorized pump boat (MPB) na may Loncin 18 HP engine na walang serial number, na tinatayang nagkakahalaga ng Php35,000 at 10 master cases ng smuggled na sigarilyo na tinatayang nagkakahalaga ng Php573,000.
Ang matagumpay na operasyong ito ay patunay ng masigasig na pagtutulungan ng PNP at Bureau of Customs sa paglaban sa iligal na smuggling at pagpapanatili ng kaayusan sa bansa.
Panulat ni Pat Joyce Franco
