Binangonan, Rizal – Tinatayang Php550,880 halaga ng shabu ang nakumpiska sa dalawang suspek sa buy-bust operation ng mga pulisya ng Rizal nito lamang Marso 30, 2022.
Kinilala ni Police Colonel Dominic Baccay, Provincial Director ng Rizal Police Provincial Office, ang dalawang suspek na sina Marvin Medalla y Dela Cruz, 39, residente ng #0853 Julie St., Sunny Ville Subd., Brgy. Palangoy, Binangonan, Rizal at Rommel Silvestre y Alcantara, 49, residente ng Papillon St., Brgy. Muzon, Taytay, Rizal.
Ayon kay Police Colonel Baccay, bandang 12:30 ng umaga naaresto ang dalawang suspek sa bahay ni Medalla ng mga operatiba ng Binangonan Municipal Police Station.
Ayon pa kay Police Colonel Baccay, nakumpiska sa mga suspek ang limang pirasong heat-sealed plastic sachets na may kabuuang timbang na 81 gramo ng hinihinalang shabu na nagkakahalaga ng Php550,880, isang coin purse, isang Php1000 bill na marked money, limang piraso ng Php100 bill at isang piraso na Php500 bill.
Ang dalawang suspek ay nahaharap sa kasong paglabag sa Sections 5 & 11, Article II ng Republic Act 9165 o Comprehensive Dangerous Drugs Act of 2002.
Ang Pambansang Pulisya ay lalo pang paiigtingin ang kampanya laban sa ilegal na droga at iba pang krimen para manatiling ligtas at maayos ang komunidad.
###
Police Executive Master Sergeant Elvis C Arellano
