Talisay City, Cebu – Nasabat ang tinatayang Php544,000 halaga ng shabu sa buy-bust operation ng mga operatiba ng Talisay City PNP nito lamang Sabado, Mayo 15, 2022.
Kinilala ni PBGen Roque Eduardo DP Vega, Regional Director ng Police Regional Office 7, ang suspek na si Junjie Labuca Cabuenas, 26 taong gulang.
Ayon kay PBGen Vega, naaresto ang suspek bandang 12:48 ng madaling araw sa Sitio Abarquez St., Abalo, Brgy. Cansojong, Talisay City, Cebu ng mga operatiba ng Talisay City Police Station Drug Enforcement Unit.
Ayon pa kay PBGen Vega, nakuha sa suspek ang mahigit-kumulang 80 gramo ng hinihinalang shabu na may tinatayang halaga na PhP544,000.
Kasong paglabag sa RA 9165 o ang Comprehensive Dangerous Drugs Act of 2002 ang kakaharapin ng suspek.
Ang pagkakadakip sa suspek ay resulta ng patuloy na kampanya ng PNP laban sa ilegal na droga at dahil na rin sa tulong ng mga mamamayan upang makamit ang adhikain na gawing drug free ang Rehiyon Siete sa pamumuno ni PBGen Vega.
###
Panulat ni Patrolman Aivan Guisadio
