Tinatayang Php544,000 halaga ng shabu ang nasabat sa isang High Value Individual sa ikinasang buy-bust operation ng mga operatiba ng Tacloban City PNP sa Barangay 105, Tacloban City nito lamang ika-10 ng Setyembre 2024.
Kinilala ni Police Major Juan Eliezer A Abellon, Acting Chief of Police ng Tacloban City Police Office-City Drug Enforcement Unit, ang suspek na si alyas “Wel”, 35 anyos, driving instructor at residente ng Barangay 105, Tacloban City.
Bandang 9:05 ng gabi ng ikasa ang operasyon ng mga tauhan ng Tacloban City Police Office-City Drug Enforcement Unit kasama ang Tacloban City Intelligence Unit sa koordinasyon sa Philippine Drug Enforcement Agency 8.
Nakumpiska mula sa suspek ang 14 pakete ng hinihinalang shabu na may tinatayang timbang na 80 gramo na nagkakahalaga ng Php544,000, isang genuine 500-peso bill kasama ang tatlong 1,000-peso bill na ginamit bilang buy-bust money at sling bag.
Mahaharap ang suspek sa kasong paglabag sa Seksyon 5 at 11 ng Artikulo II ng Republic Act 9165 o “Comprehensive Dangerous Drugs Act of 2002”.
Ang matagumpay na operasyon ay bunga ng pagpapaigting ng Pambansang Pulisya sa kampanya laban sa ilegal na droga para matiyak ang kaayusan at kapayapaan sa nasasakupan.
Panulat ni Patrolwoman Ma. Elena B Singian
