Nakumpiska ang tinatayang Php544,000 halaga ng hinihinalang shabu mula sa isang High Value Individual sa isinagawang drug buy-bust operation ng mga operatiba ng Bacolod City Police Office, City Drug Enforcement Unit sa Purok Avocado, Barangay 20, Bacolod City nitong ika-21 ng Marso 2025.
Ang operasyon ay pinangunahan ni Police Lieutenant Richard O Legada, Assistant Chief ng CDEU, sa ilalim ng pamumuno ni Police Lieutenant Colonel Antonio Benitez Jr., na nagresulta sa pagkakadakip kay alyas “Leo,” 42 anyos at residente ng nasabing lugar.
Nakuha sa pangangalaga ng suspek ang higit sa 80 gramo ng hinihinalang shabu na may Standard Drug Price na Php544,000. Kasama ng mga iligal na droga, narekober din ang buy-bust money at iba pang non-drug items.
Nahaharap ang suspek sa kasong paglabag sa Republic Act 9165 o ang “Comprehensive Dangerous Drugs Act of 2002”.
Ang matagumpay na operasyon ay patunay ng dedikasyon ng ating mga kapulisan na sugpuin ang mga ilegal na gawain at tiyakin ang kaligtasan ng bawat isa. Nagsisilbi rin itong gabay sa mga susunod na henerasyon, dahil sa bagong Pilipinas, ang gusto ng pulis, ligtas ka!.
Panulat ni Pat Andrea Dominique Depalubos
