Nakumpiska ang tinatayang Php544,000 halaga ng shabu habang arestado naman ang isang lalaki sa isinagawang checkpoint operation ng mga awtoridad sa Barangay Tampilong, Marawi City, Lanao del Sur nito lamang ika-25 ng Hulyo 2024.
Kinilala ni Police Lieutenant Colonel Gieson M Baniaga, Chief of Police ng Marawi City Police Station, ang suspek na si alyas “Jam”, 42 anyos, na residente ng Barangay Matampay, Marawi City.
Naging matagumpay ang ikinasang operasyon ng mga awtoridad ng Marawi City Police Station katuwang ang City Drug Enforcement Unit na nagresulta sa pagkakaaresto sa suspek at pagkakakumpiska ng limang heat-sealed transparent sachet na pinaghihinalaang shabu na may bigat na 80 gramo na tinatayang nagkakahalaga ng Php544,000, isang black Yamaha NMAX, isang laminated OR/CR, isang black Nokia CP, isang keychain, at tatlong susi.
Samantala, mahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Sa pagkamit ng Bagong Pilipinas ng kasalukuyang administrasyon ay may mithiing panatilihin ang payapa at ligtas na bansa katuwang ang hanay ng PNP na hindi mapapagod sa pagsagawa ng operasyon upang mapanagot ang mga lumalabag sa saligang batas.
Panulat ni Patrolwoman Ma. Señora J Agbuya
