Tiklo ang isang lalaki matapos makuhanan ng mga ilegal na droga sa ikinasang buy-bust operation ng PNP sa nito lamang Setyembre 24, 2024.
Kinilala ni Police Colonel Nicomedes P Olaivar Jr., City Director ng General Santos City Police Office, ang suspek na si alyas “Roy-roy”, 44 anyos, binata, electrician at residente ng naturang lugar.
Ayon kay PCol Olaivar Jr., bandang 11:47 ng gabi nang matagumpay na isinagawa ang operasyon sa pinagsanib na pwersa ng PS9, CIU, CMFC-GSCPO kasama ang RIU12 at PDEA ay nasamsam ang isang malaki at anim na piraso ng plastic sachets ng pinaghihinalaang shabu na may timbang na 77.8 gramo at may Standard Drug Price na Php529,040, Php1,000 bill bilang buy-bust money at iba pang non-drug items.
Mahaharap ang suspek sa kasong paglabag sa Seksyon 5 at 11 ng Article II ng Republic Act 9165 o “Comprehensive Dangerous Drugs Act of 2002”.
Walang humpay sa pagsasagawa ng iba’t ibang operasyon ang buong hanay ng GenSan PNP upang hulihin ang mga taong sangkot sa mga kriminalidad gaya ng paggamit, pagbebenta, at nagbibigay proteksyon sa ilegal na baril at droga.
