Toledo City, Cebu – Tinatayang nasa Php512,040 halaga ng shabu ang nasabat sa isinagawang buy-bust operation ng mga operatiba ng PNP nito lamang Sabado, Mayo 28, 2022.
Kinilala ni Police Brigadier General Roque Eduardo Vega, Regional Director ng Police Regional Office 7 ang suspek na si Ma. Theresa Tabar Manalili, 56 taong gulang.
Ayon kay PBGen Vega, nahuli si Manalili bandang 1:15 ng madaling araw sa Sitio Apid, Brgy. Cantabaco, Toledo City, Cebu ng mga operatiba ng Drug Enforcement Unit, Toledo City Police Station, Cebu Police Provincial Office.
Ayon pa kay PBGen Vega, nakuha mula sa suspek ang mahigit kumulang 75.30 gramo ng hinihinalang shabu na may tinatayang halaga na Php512,040.
Kasong paglabag sa RA 9165 o Comprehensive Dangerous Drugs Act of 2002 ang kakaharapin ng suspek.
Ang Police Regional Office 7 sa pamumuno ni PBGen Roque Eduardo Vega ay patuloy sa kampanya laban sa ilegal na droga at iba pang krimen upang mapanatili ang maayos at ligtas na komunidad.
###
Panulat ni Patrolman Aivan Guisadio
