Arestado ang isang High Valued Individual sa isinagawang buy-bust operation ng PNP Drug Enforcement Group – Special Operation Unit 10 nito lamang ika-13 ng Hulyo 2024.
Kinilala ni Police Colonel Heryl L Bruno, Chief PNP DEG Special Operation Unit 10, ang naarestong suspek na si alyas “Tating”, 58 anyos, isang High Value Individual.
Nagresulta ng pagkakakumpiska ng nasa 75 na gramo ng hinihinalang shabu na may tinatayang street value na Php510,000.
Nahaharap naman sa kasong paglabag sa Republic Act 9165 o Comprehensive Dangerous Drugs Act of 2002 ang suspek.
Ang pagkakaaresto sa suspek ay bunga ng matagumpay na kampanya ng PNP alinsunod sa programa ng gobyerno sa pagtugis sa mga taong nagkasala sa batas at patuloy na ginagampanan ang sinumpaang tungkulin para sa ligtas, maunlad at mapayapang Bagong Pilipinas.
