Zamboanga City – Tinatayang Php510,000 halaga ng shabu ang nasabat sa isang suspek sa ikinasang buy-bust operation ng mga awtoridad nito lamang Miyerkules, Pebrero 1, 2023.
Kinilala ni Police Major Wilfredo Palamos Jr, Chief of Police, Zamboanga City Police Station 4, ang suspek na si alyas “Ton-Ton”, 30, walang asawa at residente ng Sitio Daap, Brgy. Sangali, Zamboanga City.
Ayon kay PMaj Palamos, bandang 9:27 ng gabi nang mahuli ang suspek sa Bypass Rd, Zone 3B, Brgy. Mercedes, Zamboanga City sa pinagsanib na puwersa ng mga operatiba ng Zamboanga City Police Station 4, City Intelligence Unit ng Zamboanga City Police Office, Regional Intelligence Unit 9 at Regional Mobile Force Battalion 9.
Nakumpiska sa suspek ang dalawang transparent plastic sachets na naglalaman ng hinihinalang shabu na tumitimbang ng 75 gramo na nagkakahalaga ng Php510,000, isang calibre .45 na may serial number na 265735 na may naka-insert na magazine na may pitong live ammunition, at siyam na piraso ng Php1,000 bill bilang marked money.
Mahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Ang PNP ay patuloy na paiigtingin ang kampanya kontra ilegal na droga at kriminalidad para sa mas mapayapa at ligtas na komunidad.
Panulat ni Patrolman John Ronald Tumonong/RPCADU9
