Bacolod City – Tinatayang Php510,000 halaga ng shabu ang nasabat sa PNP buy-bust sa Bangga Bagul, Brgy. Granada, Bacolod City, Negros Occidental nito lamang ika-10 ng Hulyo 2022.
Kinilala ni Police Colonel Thomas Joseph Martir, City Director ng Bacolod City Police Office, ang suspek na si Mariane Gumban Y Lastimoso, 25, babae, residente ng Charito Heights Subd. Brgy. Granada, Bacolod City, Negros Occidental.
Ayon kay PCol Martir, nasakote ang suspek ng mga tauhan ng Bacolod City Police Office, Police Station 5.
Ayon pa kay PCol Martir, nakumpiska sa suspek ang 15 plastic sachet ng hinihinalang shabu na may timbang na 75 gramo na nagkakahalaga ng Php510,000 at marked money.
Nahaharap ang mga suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang Bacolod City Police Office sa pamumuno ni Police Colonel Thomas Joseph Martir ay hindi titigil sa mga operasyon kontra ilegal na droga at iba pang uri ng kriminalidad.
###
