Tinatayang Php510,000 halaga ng hinihinalang shabu ang nasabat mula sa isang suspek sa isinagawang buy-bust operation ng mga awtoridad sa Purok 5, Barangay Malagutay, Zamboanga City nito lamang Ika-16 ng Marso 2024.
Kinilala ni Police Colonel Elmer P Solon, Chief ng Regional Drug Enforcement Unit 9, ang naarestong suspek na isang lalaki, 31 anyos at residente ng San Jose Gusu, Zamboanga City.
Ayon kay PCol Elmer P Solon, naaresto ang suspek sa pinagsanib pwersa ng mga tauhan ng Regional Drug Enforcement Unit 9 at Zamboanga City Police Office.
Nakumpiska mula sa suspek ang dalawang heat-sealed transparent sachet na pawang naglalaman ng hinihinalang shabu na may timbang na mahigit kumulang 75 gramo na may Standard Drug Price na Php510,000, isang piraso ng Php1,000, 74 na piraso ng Php1,000 na boodle money, isang itim na sling bag at isang unit black Click MC.
Nahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang laban kontra ilegal na droga ay patuloy na pinapaigting ng mga kapulisan upang maging ganap ng drug-free ang bansa tungo sa Bagong Pilipinas.
Panulat ni Patrolwoman Je Ann Primitiva
