North Cotabato – Tinatayang nasa Php510,000 halaga ng hinihinalang shabu ang nasabat sa isang High Value Individual (HVI) sa ikinasang buy-bust operation ng PNP sa Purok 14, Brgy., Poblacion A, Carmen, North Cotabato nito lamang ika-19 ng Marso 2023.
Kinilala ni Police Brigadier General Jimili Macaraeg, Regional Director ng Police Regional Office 12, ang naarestong HVI na si alyas “alfie’”, 48, may asawa at residente ng Brgy. Kapaya, Bagumbayan, Sultan Kudarat.
Ayon kay PBGen Macaraeg, bandang alas 4:38 ng hapon nang mahuli ang suspek ng pinagsanib puwersa ng Regional Police Drug Enforcement Unit (RPDEU) 12, Regional Intelligence Division 12, Regional Special Operations Group 12, PNP Drug Enforcement Group-Special Operation Unit 12, Carmen Municipal Police Station at sa pakikipag-ugnayan sa PDEA 12.
Narekober mula sa pag-iingat ang 15 pakete ng hinihinalang shabu na may timbang na 75 gramo na tinatayang nagkakahalaga ng Php510,000, isang pirasong Php1,000 bill bilang buy-bust money at iba pang non-drug items.
Kasong paglabag sa Section 5 at Section 11, Article II ng RA 9165 (Comprehensive Dangerous Drugs Act of 2002) ang isasampa laban sa suspek.
Binigyang papuri naman ni Regional Director Macaraeg ang matagumpay na operasyon ng mga awtoridad na naglalayong pigilan ang paglaganap at kalakalan ng ilegal na droga sa rehiyong dose.
Panulat ni Patrolman Khnerwin Jay Medelin/RPCADU12
