Cebu City, Cebu – Nasabat ang tinatayang nasa Php510,000 halaga ng shabu sa isang naarestong suspek sa PNP buy-bust operation noong Linggo, Hunyo 5, 2022.
Kinilala ng Regional Director ng PRO 7, Police Brigadier General Roque Eduardo Vega ang naaresto na si Adrian Montecillo Isma a.k.a. “Ian”, 30 taong gulang.
Ayon kay Police Brigadier General Vega, naaresto ang suspek pasado alas-siete ng gabi sa Brgy. Labangon, Cebu City ng mga operatiba ng Regional Police Drug Enforcement Unit 7 (RPDEU).
Ayon pa kay Police Brigadier General Vega, nakumpiska mula sa naturang operasyon ang nasa 75 gramo ng hinihinalang shabu na may tinatayang Standard Drug Price na Php510,000 at buy-bust money.
Nahaharap ang suspek sa paglabag sa RA 9165 o ang Comprehensive Dangerous Drugs Act of 2002.
###
