Matagumpay na naaresto ng pulisya ang isang High Value Individual matapos mahulihan ng mahigit kalahating milyong halaga ng hinihinalang shabu sa inilunsad na buy-bust operation sa Nivel Hills, Barangay Busay, Cebu City noong ika-22 ng Enero 2025.
Kinilala ni Police Colonel Enrico E Figueroa, City Director ng Cebu City Police Office, ang suspek na si alyas “Tartar”, 37 taong gulang, residente ng nabanggit na lugar.
Dakong alas-10:45 ng gabi nang magsagawa ng buy-bust operation ang operatiba ng City Intelligence Unit at City Drug Enforcement Unit, na kung saan naaresto ang nasabing suspek at pagkakumpiska ng 15 pakete ng hinihinalang shabu na aabot sa 75 gramo na may Standard Drug Price na Php510,000., itim na pouch na ginamit bilang lagayan ng mga iligal na droga at buy-bust money.
Mahaharap ang suspek sa kasong paglabag sa Sec. 5 and 11, Art. II ng Republic Act 9165 o ang “Comprehensive Dangerous Drugs Act of 2002”.
Ang matagumpay na operasyon ay patunay lamang na ang Pambansang Pulisya ng Pilipinas ay nagpapakita ng kanilang kakayahan at kasanayan sa pagsugpo ng iligal na droga sa bansa at pagprotekta sa kaligtasan at kaayusan ng mamamayan para sa isang mapayapa na Bagong Pilipinas.
