Angeles City – Tinatayang Php510,000 halaga ng shabu ang nakumpiska sa isang High Value Individual (HVI) sa ikinasang buy-bust operation ng mga operatiba ng Angeles PNP sa Barangay Pulungbulu, Angeles City nito lamang Martes, ika-23 ng Enero 2024.
Kinilala ni Police Colonel Amado Mendoza Jr., City Director ng Angeles City Police Office, ang naarestong suspek na si alyas “Raydel”, residente ng Violeta Homes, Barangay Capaya II, Angeles City
Umabot sa 75 gramo ng shabu na tinatayang nagkakahalaga ng Php510,000, isang itim na bag at buy-bust money ang nakumpiska sa nasabing operasyon.
Nahaharap ang naarestong suspek sa kasong paglabag sa RA 9165 o Comprehensive Dangerous Drugs Act of 2002.
Patuloy ang pagpapaigting ng Angeles PNP sa kampanya laban sa ilegal na droga upang tuluyan nang mapigilan ang paglaganap nito sa kanilang munisipalidad.
