Bulacan – Tinatayang Php510,000 halaga ng shabu ang nakumpiska sa buy-bust operation ng Bulacan PNP sa Barangay Gaya Gaya, City of San Jose Del Monte, Bulacan nito lamang Sabado, Hulyo 16, 2022.
Kinilala ni Police Colonel Charlie A Cabradilla, Acting Provincial Director ng Bulacan Police Provincial Office, ang mga suspek na sina Jerry Dela Peña y Apatan, 34; Russel Dimapanag y Apatan, 54; at si Jeffrey Dimapanag y Apatan, 18, pawang mga residente ng Sitio Panaklayan, Brgy. Gaya Gaya, San Jose Del Monte, Bulacan.
Ayon kay PCol Cabradilla, bandang 3:00 ng hapon nang naaresto ang mga suspek sa nasabing barangay sa pinagsanib na puwersa ng Provincial Intelligence Unit-Provincial Drug Enforcement Unit, Bulacan PPO, 1st Provincial Mobile Force Company, Bulacan PPO, PNP Drug Enforcement Group- Special Operation Unit 3, at San Jose Municipal Police Station
Ayon pa kay PCol Cabradilla, narekober mula sa mga suspek ang nasa humigit kumulang 75 gramo ng hinihinalang shabu na may tinatayang halaga na Php510,000, isang Caliber 38 Revolver, isang black belt bag, isang digital weighing scale at Php1,000 na marked money.
Nahaharap ang mga suspek sa kasong paglabag sa Section 5 at 11 ng Article II ng Republic Act 9165 o Comprehensive Dangerous Drugs Act of 2002 at RA 10591 o Comprehensive Firearms and Ammunition Regulation Act.
Patuloy pa rin ang ginagawang operasyon ng PNP para tuluyang mahuli ang mga nagbebenta at gumagamit ng ilegal na droga at maging malaya ang bansa sa ipinagbabawal na gamot na sumisira sa kinabukasan ng mamamayan.
Source: Bulacan PPO
###
Panulat ni PCpl Jeselle V Rivera
