Tagum City, Davao del Norte – Nasamsam ang Php5,877,975.76 halaga ng shabu sa isang drug personality matapos maghain ng Search Warrant ang mga operatiba ng Tagum City nito lamang Linggo, Marso 20, 2022.
Kinilala ni PLtCol Jay Dema-Ala, Acting Chief of Police ng Tagum City Police Station ang suspek na si Michael Pascual Quevido, Top 16 City level drug personality, residente ng Visaya Village, Tagum City, Davao del Norte.
Ayon kay PLtCol Dema-Ala, narekober sa mismong bahay ni Quevido ang humigit kumulang 864.4082 na gramo ng hinihinalang shabu na nagkakahalaga ng Php5,877,975.76, mga parapernalya at isang .45 caliber na may limang live ammunition.
Bagamat wala ang suspek nang ihain ng mga tauhan ng Tagum City Police Station at Provincial Drug Enforcement Unit (PDEU) ng Davao del Norte ang Search Warrant, ang asawa nito ang tumanggap ng papel at naging saksi sa isinagawang search procedure.
Pinuri ni PBGen Benjamin Silo Jr., Director ng Police Regional Office 11, ang napakalaking tagumpay ng nasabing team at ang mga kapulisan ng PRO 11 sa magandang serbisyong publiko.
“Im optimistic that in due time, we can achieve to make Davao Region a drug free region in the Philippines,” aniya pa ni PBGen Silo Jr.
###
Panulat ni Patrolman Alfred Vergara
