Zamboanga City – Tinatayang nasa Php5,740,000 halaga ng smuggled cigarettes ang nasabat ng Zamboanga PNP nito lamang Linggo, Mayo 22, 2022.
Kinilala ni Police Brigadier General Franco Simborio, Regional Director ng Police Regional Office 9, ang dalawang suspek na sina Hadji Aijub Cuevas, 56, truck driver at Sattal Tantung Sarabi, 36, truckman.
Ayon kay PBGen Simborio, bandang 12:40 ng tanghali nang maaresto ang dalawang suspek sa Golf Checkpoint, Brgy. Upper Calarian, Zamboanga City ng mga operatiba ng Zamboanga City Police Station 8 at Bureau of Customs.
Ayon pa kay PBGen Simborio, nasabat sa dalawang suspek ang 164 master cases ng undocumented Commando brand ng smuggled cigarettes na may tinatayang halaga na Php5,740,000 at isang Mitsubishi Canter na may Plate No. RME 132.
Nahaharap ang dalawang suspek sa kasong paglabag sa Sec. 1401 (Unlawful Importation or Exportation) ng RA 10863 na kilala rin bilang Customs Modernization and Tariff Act (CMTA).
Ang Pambansang Pulisya ay patuloy ang kampanya laban sa mga gustong magpuslit ng mga ilegal na droga at smuggled cigarettes. Ito ang resulta sa mas mahigpit na pagpapatupad ng batas sa lahat ng entry at exit point sa ating bansa dahil sa kooperasyon ng mga mamamayan na kaagapay sa pagpapanatili ng kaayusan at katahimikan ng ating pamayanan.
Source: Zamboanga City Police Station 8
###
Panulat ni Police Staff Sergeant Grace Neville Ortiz
