Matagumpay ang magkahiwalay na anti-illegal drug operations sa Manila kung saan nasamsam ang Php5.7-milyon halaga ng hinihinalang shabu.
Batay sa impormasyon ng Manila Police District (MPD), nasa 835 gramo ng iligal na droga ang nakumpiska sa magkahiwalay na buy-bust operation sa San Miguel noong Lunes, Oktubre 4 at sa Tondo noong Martes, Oktubre 5.
Naaresto naman ang pitong (7) suspek sa dalawang operasyon.
Sa buy-bust operation na ikinasa sa 153 Marayag Street, Barangay 648, naaresto si Nasfira Nassir Abdulla, 67 anyos. Nakuha mula sa kanya ang 16 sachet (735 gramo) ng shabu na nagkakahalaga ng Php4.99 milyon.
Nakumpiska naman sa Tondo buy-bust ang 100 gramo ng shabu na nagkakahalaga ng Php680,000. Arestado ang mga suspek na sina Jonathan Balingit, 24; Esmelita Tumbagahan, 61; Renalyn Silverio, 40; Aldwin Castillo, 43; Anna Punzal, 40; at Mark Echalar, 42.
Pinapurihan ni PNP Chief, PGen Guillermo Lorenzo T. Eleazar ang mga tauhan ng MPD sa matagumpay nilang operasyon kontra iligal na droga.
“Makakaasa ang publiko na magpapatuloy ang kapulisan sa ganitong mga operasyon upang tuluyang matigil ang bentahan at paggamit ng ilegal na droga sa mga komunidad,” pagtitiyak ng hepe.
Ipinag-utos na din ni PGen Eleazar ang karagdagang imbestigasyon upang matukoy ang iba pang posibleng kasabwat ng mga suspek at kung sila ay sangkot sa mas malaking sindikato ng iligal na droga.
Photo Courtesy: pna.gov.ph
####
Article by Police Corporal Josephine T Blanche
