Kalawaan, Pasig City — Tinatayang Php5.44 milyong halaga ng shabu ang narekober sa tatlong High Value Individuals sa isinagawang buy-bust operation ng Pasig City Police Station nito lamang Sabado, Agosto 27, 2022.
Kinilala ni National Capital Region Police Office, Chief, PBGen Jonnel Estomo, ang mga suspek na sina Mohaimen Rangaig y Pontino alyas “Mohaimen”, 26; Matet Makebel y Alba, 33; at Isabel Tobosa, 26.
Ayon kay PBGen Estomo, dakong 5:05 ng hapon naaresto ang mga suspek sa 683 R. Castillo Street, Brgy. Kalawaan, Pasig City ng mga operatiba ng Station Drug Enforcement Unit ng Pasig CPS.
Nakumpiska sa mga suspek ang 13 heat-sealed at anim na knot-tied transparent plastic sachet na hinihinalang shabu na tinatayang may bigat na 800 gramo at nagkakahalaga ng Php5,440,000, isang weighing scale, brown at itim na paper bag, at buy-bust money.
Mahaharap ang mga suspek sa kasong paglabag sa R.A. 9165 o Comprehensive Dangerous Drugs Act of 2002.
Pinuri ni PBGen Estomo ang pagsisikap ng mga operatiba sa pamumuno ni EPD Acting District Director, Police Colonel Wilson C Asueta at Pasig CPS, Officer-In-Charge, Police Colonel Celerino M Sacro Jr sa kanilang paghahanap para sa maayos na Lungsod na naaayon sa M+K+K= K program ng Chief PNP, PGen Rodolfo S Azurin Jr.
Ani PBGen Estomo, “Sa ating inilunsad na S.A.F.E. NCRPO, higit na makikita, maririnig, at mararamdaman ng ating mga kababayan ang mga pinaigting at pinalakas na mga operasyon ng pulisya upang mapanatili ang katahimikan at kaayusan sa ating rehiyon. Magpapatuloy ang pagtugis namin sa mga napagkukunan, nagtutulak, nagbebenta at iba pang may kinalaman sa ilegal na droga upang hindi na sila makapangbiktima pa ng iba.”
Source: PIO_NCRPO
###
Panulat ni PSSg Remelin M Gargantos
