Lanao Del Sur – Tinatayang Php5,105,000 halaga ng ilegal na droga ang nasabat sa apat na suspek sa isinagawang buy-bust ng PNP sa Brgy. Dimarao, Maguing, Lanao del Sur nitong Hunyo 9, 2022.
Kinilala ni Police Colonel Jibin Bongcayao, Acting Provincial Director ng Lanao del Sur Police Provincial Office ang mga suspek na sina Usop Macalabo Ramos; Absamin Hadsi Aslam Macalabo; Marlon Bantayan Mali na pawang mga residente ng Brgy. Lumbac Dimarao, Maguing, Lanao Del Sur at Unting Ugarinan Mampao, na residente naman ng Brgy. Romayas, Lumba-Bayabao, Lanao Del Sur.
Ayon kay PCol Bongcayao, bandang alas-5:30 ng hapon naaresto ang mga suspek ng pinagsamang operatiba ng Regional Intelligence Division-Regional Drug Enforcement Unit Police Regional Office Bangsamoro Autonomous Region, Provincial Drug Enforcement Unit-Provincial Special Operations Group, 1st Provincial Mobile Force Company, Provincial Intelligence Unit ng Lanao Del Sur Police Provincial Office, 1403rd Regional Mobile Force Company ng RMFB14, at Maguing Municipal Police Station.
Ayon pa kay PCol Bongcayao, nakumpiska sa mga suspek ang apat na pakete ng transparent plastic sachet at limang pirasong small heat-sealed transparent plastic sachet na naglalaman ng hinihinalang shabu, tatlong pakete ng pinatuyong dahon ng Marijuana, isang yunit ng .45 caliber pistol, at isang uri ng pampasabog.
Ang mga nasabat na ilegal na droga ay tinatayang may timbang na 750 gramo na nagkakahalaga ng Php5,105,000.
Ang mga suspek ay nahaharap sa mga kasong paglabag sa RA 9165, R.A 10591 at RA 9516.
“Ang matagumpay na Law Enforcement Operation na ito ay iniuugnay sa collaborative effort sa pagitan ng security forces at ng komunidad”, ani PCol Bongcayao.
###
Panulat ni Patrolman Charlie Nasroden Corpuz
