Cavite – Tinatayang Php4,080,000 halaga ng shabu ang nakumpiska ng Calabarzon PNP sa isang lalaki nito lamang Sabado, Agosto 26, 2023.
Kinilala ni Police Colonel Christopher Olazo, Provincial Director ng Cavite Police Provincial Office, ang suspek na si alyas “Pangan’’, residente ng Brgy. H2, Dasmariñas City, Cavite.
Naaresto ang suspek ganap na 12:30 ng tanghali sa Brgy. Paliparan 1, Dasmariñas City, Cavite sa ikinasang joint anti-illegal drug buy-bust operation ng Police Drug Enforcement Group-Special Operation Unit 4A, Dasmariñas City Police Station, Philippine Drug Enforcement Agency 4A, Regional Intelligence Division 4A, Regional Intelligence Unit 4A at Integrity Monitoring and Enforcement Group 4A.
Nakumpiska mula sa suspek ang limang buhol ng nakataling transparent plastic sachet na naglalaman ng pinaghihinalang shabu na may tinatayang timbang na humigit kumulang 500 gramo at dalawang maliit na heat-sealed transparent plastic sachet na naglalaman ng pinaghihinalang shabu na may tinatayang timbang na humigit kumulang 100 gramo at may kabuuang halaga na Php4,080,000 at isang Php1000 bill.
Ang suspek ay nahaharap sa kasong paglabag sa Section 5 at 11 Article 2 ng Republic Act 9165 o Comprehensive Dangerous Drugs Act of 2002.
Hinihikayat ng Cavite PNP ang mamamayan para suportahan at pagtulungan ang kampanya laban sa ilegal na droga upang mahuli at mapanagot ang mga kriminal at mapanatiling ligtas at payapa ang lalawigan.
Source: Cavite Police Provincial Office
Panulat ni Police Staff Sergeant Donabel T Dulin
