Tinglayan, Kalinga – Tinatayang Php4,025,000 halaga ng halamang marijuana ang sinira at sinunog ng Kalinga PNP sa isinagawang marijuana eradication sa tatlong magkakahiwalay na plantasyon sa Brgy. Tulgao West, Tinglayan, Kalinga nito lamang Huwebes, ika-7 ng Abril 2022.
Ayon kay Police Colonel Peter Tagtag, Jr., Provincial Director, Kalinga Police Provincial Office, matagumpay na naisagawa ang eradikasyon sa nasabing plantasyon ng pinagsanib na puwersa ng Philippine Drug Enforcement Unit/Provincial Intelligence Unit, 1st at 2nd Kalinga Provincial Mobile Force Company, Pasil Municipal Police Station, Tinglayan Municipal Police Station, Lubuagan Municipal Police Station, Kalinga Police Provincial Office, at Philippine Drug Enforcement Unit Agency Kalinga.
Ayon pa kay PCol Tagtag, Jr., nadiskubre sa magkakahiwalay na plantation sites ang 10,500 na piraso ng fully-grown marijuana plants, 15,000 gramo ng tuyong dahon ng marijuana at 5,000 gramo ng buto ng marijuana na may kabuuang halaga na Php 4,025,000.
Agad namang binunot at sinunog ng Kalinga PNP ang nadiskubreng mga marijuana sa mismong lugar ng taniman kung saan walang nahuling marijuana cultivator.
Samantala, patuloy pa rin ang pagpapaigting ng Kalinga PNP sa marijuana eradication upang mapuksa ang mga ipinagbabawal na mga halaman at upang matukoy ang mga nasa likod ng pagtatanim nito.
###
Panulat ni Patrolwoman Febelyne Codiam
