Lucena City, Quezon – Tinatayang Php498,192 halaga ng marijuana ang nasabat sa isang Street Level Individual (SLI) sa isinagawang buy-bust operation ng PDEA at Quezon PNP nito lamang Miyerkules, Setyembre 21, 2022.
Kinilala ni Police Colonel Ledon Monte, Officer-In-Charge ng Quezon Police Provincial Office, ang suspek na si John Dave Ariles alyas “Balas”, 22, residente ng Purok Riverside, Brgy. 1, Lucena City, Quezon.
Ayon kay PCol Monte, bandang 8:26 ng umaga naaresto ang suspek sa kanyang lugar ng pinagsamang puwersa ng Provincial Intelligence Unit/Quezon PNP Drug Enforcement Unit, Philippine Drug Enforcement Agency Quezon, Quezon Maritime Police Station, Criminal Investigation and Detection Group-Quezon at Regional Intelligence Unit Quezon.
Narekober mula sa suspek ang 12 pirasong dried marijuana leaves na may timbang na 1,383.7 gramo at tinatayang nagkakahalaga ng Php498,192, isang pirasong Php500 bill bilang buy-bust money, apat na plastic container, isang pirasong glass container, isang pirasong coin purse, dalawang pirasong weighing scale at isang unit Xiaomi cellphone.
Nahaharap ang suspek sa kasong paglabag sa Section 5 at 11, Article II ng Republic Act 9165 o Comprehensive Dangerous Drugs Act of 2002.
Pinapasalamatan at hinihikayat ng Quezon PNP ang bawat miyembro ng komunidad para sa
patuloy na pagtitiwala at pakikiisa sa mga programa ng PNP hinggil sa pagpapanatili ng isang ligtas, tahimik, at payapang probinsya ng Quezon laban sa banta ng droga at anumang uri ng ilegalidad.
Source: Quezon Police Provincial Office-PIO
Panulat ni Police Staff Sergeant Donabel Dulin
